Sulmuesi i kombëtares holandeze Quincy Promes mund të përfundojë pas hekurave, pasi akuzohet për tentativë vrasjeje nga kushëriri i tij.
Lojtari i Sparta Moskës është duke u ndjekur penalisht në vendin e tij sepse kushëriri e ka akuzuar që e ka goditur me thikë në gju gjatë një debati në një festë familjare në Abcoude, pranë Amsterdamit, në vitin 2020.
29-vjeçari ka qenë pjesë e Ajax, ndërsa ka luajtur plot 50 ndeshje me Kombëtaren e tij. Sulmuesi i ‘Tulipanëve’ i ka mohuar këto akuza dhe është liruar me kusht, por hetimi ende vazhdon dhe nëse ato do të vërtetohen lojtari mund të përfundojë në burg.
Gazeta “De Telegraaf” raporton se departamenti i drejtësisë ka konfirmuar se janë ngritur akuza dhe pretendon se personi në fjalë është 29-vjeçari Promes, ndërsa nëse shpallet fajtor ai mund të rrezikojë 24 deri 42 muaj burg./K.T/Gijotina.com
Discussion about this post