Teuta kërkon suksesin e radhës në kampionat ku të dielën kalendari e vendos përballë Tiranës. Një duel delikat për durrsakët teksa sulmuesi Gjorgiev ka vlerësuar kundërshtarin por është i bindur tek suksesi i bregdetarëve.
“Jemi gati për Tiranën. Po shkon çdo gjë mirë, të gjithë lojtarët po stërviten maksimalisht dhe dëshira është e madhe për ta nisur aty ku e lamë para ndërprerjes së kampionatit, ku mposhtëm Kukësin në transfertë.
Tirana është një kundërshtar i fortë që ka bërë mjaft mirë në ndeshjet e fundit dhe është konsoliduar ndjeshëm me lojën dhe rezultatet. E vlerësoj historinë që ka klubi i Tiranës, për atë që ka dhënë këtë sezon, por ne jemi gati për të marrë 3 pikë në këtë sfidë.
Për mua, ne duhet të punojmë shumë fort dhe të tregojmë të njëjtën paraqitje nga sezoni i shkuar. Çdo gjë duhet të jetë në maksimum e perfeksion dhe ne duhet të vazhdojmë të punojmë për këtë gjë. Mendoj se jemi në rrugën e duhur për të treguar më të mirën. Duhet të jemi të duruar dhe të vazhdojmë përpara”, tha sulmuesi i Tiranës.
