Super grabitje në Elbasan, tre të rinjtë bëjnë për spital 21-vjeçarin dhe i marrin 2 mijë euro

Tre të rinj kanë rënë në prangat e policisë së Elbasanit, pasi dhunuan dhe grabitën 20-vjeçarin A.A. Sipas bluve, 23-vjeçari D.R, 25-vjeçari E.B dhe 26-vjeçari F.Ç kërcënuan me jetë të riun dhe më pas i grabitën 2 mijë euro.

Mësohet se krimi ka qenë i mirëorganizuar dhe për ngjarjen e rëndë kishin dijeni dhe shtetasit A.K, 43vjeç, A.H 51 vjeç, A.B 29 vjeç, të cilët janë proceduar menjëherë.

Policia, gjatë kontrollit në banesë të njërit prej grabitësve, 23-vjeçarit D.R, ka sekuestruar 74 doza me lëndë të dyshuar lëndë narkotike dhe 2 peshore elektronike.

“Finalizohet me sukses operacioni policor i koduar “Postimi”.

Operacioni, nga strukturat e DVP Elbasan, në bashkëpunim me Forcën e Posaçme Operacionale në Policinë e Shtetit.

I morën me anë të kanosjes dhe dhunës, një shumë parash, një shtetasi, vihen në pranga 3 autorët e dyshuar.

Në banesën e njërit prej tyre, Policia gjeti dhe sekuestroi dhjetëra doza me kanabis, 2 peshore elektronike, 1 radio marrëse-dhënëse dhe 2 automjete.

Procedohen në gjendje të lirë 3 shtetas të tjerë, për moskallëzim krimi.

Shërbimet e Komisariatit të Policisë Elbasan, pas marrjes së njoftimit se 3 shtetas kishin kanosur dhe dhunuar një shtetas dhe i kishin marrë atij, një shumë parash, kanë organizuar punën për kapjen e autorëve.

Në kuadër të operacionit “Postimi”, strukturat e DVP Elbasan, në bashkëpunim me Forcën e Posaçme Operacionale në Policinë e Shtetit, kanë arrestuar në flagrancë shtetasit:

1. R., 23 vjeç, E. B.(S), 25 vjeç dhe F. Ç., 26 vjeç, të tre banues në Elbasan.

Këta shtetas, në bashkëpunim me njëri-tjetrin, kanë dhunuar dhe kanosur me jetë shtetasin A. A., 20 vjeç, banues në Belsh dhe i kanë marrë atij shumën 2000 euro, pasi ai kishte postuar në rrjetin social instagram, automjetin e shtetasit D. R.

Gjatë kontrollit në banesën e shtetasit D. R., u gjetën dhe u sekuestruan në cilësinë e provës materiale 74 doza me lëndë të dyshuar narkotike kanabis, 2 peshore elektronike, 1 radio marrëse-dhënëse dhe 2 automjete.

Në vijim të veprimeve janë referuar materialet në Prokurori dhe nisi procedimi penal për shtetasit: A. K., 43 vjeç, A. H., 51 vjeç, A. B., 29 vjeç, të tre banues në Elbasan, pasi kanë patur dijeni për ngjarjen dhe nuk kanë kallëzuar në Polici.”-njofton policia.