Egnatia ndjen sërish shijen e fitores në Kategorinë Superiore. Skuadra kampione e vendit iu imponua Bylisit duke e mundur me rezultatin 3-0 dhe njeriu i ndeshjes për rrogozhinasit u bë pikërisht Daniel Adjessa, autor i të 3 golave për Egnatian në këtë përballje.
Pas një pjese të parë të vakët dhe të mbyllur me barazimin 0-0, gjërat ndryshuan në 45 minutat e dyta. Pikërisht në këtë fraksion, Egnatia shtoi ritmin e lojës falë edhe aktivizimit të Adjessas që i dha avantazhin skuadrës së tij në minutën e 69.
Pas këtij momenti, Egnatia u duk se mendoi më shumë për menaxhimin e avantazhit, megjithatë në minutat e fundit pas dy kundërsulmeve, rrogozhinasit arritën të gjejnë edhe 2 herë të tjera goli, falë Adjessas që plotësoi tregolëshin personal duke vulosur fitoren për Egnatian që shkon në 54 pikë. Ndërsa Bylis mbetet me 30 pikë në vendin e 7 të klasifikimit por tani ndjen hijen e Tiranës që është 2 pikë më pak.
EGNATIA-BYLIS 3-0
Adjessa 69′, 87′, 93′
gijotina.com/
Discussion about this post