Nuk pati fitues në sfidën mes Bylisit dhe Dinamos e vlefshme për javën e 31 të Kategorisë Superiore. Në ‘Adush Muça’ kjo përballje përfundoi me rezultatin 1-1 me skuadrat që duket se janë ‘të abonuara’ me barazimin mes tyre duke qenë se kjo është hera e katërt që ndajnë pikët në fushën e lojës.
Por ndërsa herët e kaluara barazimet mes Bylisit dhe Dinamos kanë qenë pa gola, këtë radhë skuadrat e mbyllën përballjen mes tyre me rezultatin 1-1. Ishte Bylis ai që mori avantazhin në këtë ndeshje me Kamara që në minutën e 9 me skuadrën ballshiote që diti ta ruajë rezultatin 1-0 deri në fundin e pjesës së parë.
Në pjesën e dytë pati edhe dy ndëshkime me kartonë të kuq. Fillimisht ishte Përndreca ai që u sanksionua për Bylis dhe më pas i erdhi radha Goudiaby ai që la Dinamon me 10 futbollistë duke rikthyer ekuilibrin numerik në fushën e lojës. Në minutën e 82, Dinamo barazoi rezultatin në 1-1 me Teixeira, një rezultat që mbeti i tillë deri në fund me Bylis që shkon në 31 pikë dhe e sheh veten në vendin e parafundit, ndërsa Dinamo shkon në kuotën e 44 pikëve.
gijotina.com/
Discussion about this post