Teuta ka arritur një fitore të rëndësishme në transfertë, duke mposhtur Tiranën me shifrat 0-1 në stadiumin “Selman Stërmasi”, në takimin e vlefshëm për javën e 25-të të Kategoria Superiore.
Pjesa e parë ishte më e balancuar, me vendasit që u shfaqën më kërkues në sulm. Rasti më i mirë për bardheblutë erdhi nga Tabeku, por pa arritur të zhbllokojnë rezultatin.
Në fraksionin e dytë ndryshoi panorama e lojës. Skuadra e drejtuar nga trajneri Enkelejd Dobi mori kontrollin e takimit dhe shtoi presionin drejt portës kundërshtare. Maçolli goditi traversën, më pas topi u ndal në shtyllë, ndërsa Arifi shpërdoroi një mundësi të artë, duke paralajmëruar golin që do të vinte.
Vendimi erdhi në minutën e 87-të, kur Maçolli u tregua i saktë nga pika e bardhë e penalltisë, duke i dhënë avantazhin dhe tri pikët Teutës.
Më i miri i ndeshjes? “Nga fitorja që morëm në Tiranë, duke qenë edhe “ish”. U thashë shokëve se më kanë mbajtur pak me hatër sot.
Ishte moment i vështirë para këtyre dy ndeshjeve, po kërkonim të merrnim vetëbesimin e duhur. Erdhi me Ballshin.
Objektivat e Teutës janë katër vendet e para. Meqë jemi aty afër, pse mos ta tentojmë?
U bënë shumë ndeshje që nuk fituam, mes barazimeve dhe humbjeve. Kemi pasur ndeshje që kemi luajtur shumë mirë, jemi penalizuar me një gol ose gabim topin. Jemi të gjithë të mërzitur, të gjithë përgjegjës se kemi lënë shumë pikë. Kur flasim me çunat e ekipit, sikur 6 pikë më shumë të kishim do ishim më mirë. Jemi të gjithë përgjegjës, kështu e ka sporti.
E nisëm pak si të ndrojtur. Si ajo shprehja, erdhëm këtu në Tiranë dhe menduam se duhet të mbrohemi, por duke shikuar pastaj që kemi hapësira, vazhduam pastaj duke shtyrë përpara. E drejtë, duhet të nisnim që në fillim, mos t’i lejonim terren se mund të na rrezikonin”, u shpreh Përgjoni.
Me këtë humbje, Tirana rikthehet në zonën e ftohtë të renditjes, aty ku ka kaluar pjesën më të madhe të sezonit. Në krahun tjetër, Teuta afrohet ndjeshëm me vendin e katërt, duke qenë tashmë vetëm tre pikë larg objektivit.
Rezultati:
Tirana 0-1 Teuta
87’ (p) Maçolli
gijotina.com/
Discussion about this post