Superiorja vijon këtë të dielë me dy supersfidat e javës së 21-të.
Dueli që spikat është padyshim ai mes Vllaznisë dhe Tiranës, në orën 16:00, i përkthyer ndryshe në “Klasiken” e Shqipërisë. Të dyja ekipet vijnë me objektivin titull, teksa kuqeblutë duan të shkurtojnë diferencën me kampionët që ndodhen në krye, teksa e kundërta vlen për këta të fundit, të cilët duan të krijojnë akoma dhe më shumë distancë me ndjekësit.
Po në këtë orë, në stadiumin “Niko Dovana” luhet një tjetër përballje interesante, derbi mes Erzenit dhe Teutës. Shijakasit po bëjnë mirë këtë sezon, duke e konfirmuar veten si surprizë, teksa do të përpiqen që të afrohen akoma dhe më shumë me Europën. Nga ana tjetër, bregdetarët vazhdojnë të luftojnë për mbijetesë dhe një fitore e mundshme do t’i largonte ata disi nga zona e ftohtë.
Discussion about this post