Sot u luajtën dhe dy ndeshjet e mbetura për javën e 24-t të Superiores. Laçi mposhti Skënderbeun me rezultatin e pastër 0-2, ndërsa Teuta barazoi pa gola kundër Dinamos.
Të dielën, derbi i kryeqytetit Partizani – Tirana përfundoi në barazim 1-1. Egnatia fitoi 2-1 në transfertën ndaj Elbasanit, duke ruajtur kreun e renditjes me 45 pikë.
Ndërkohë, Vllaznia mposhti me rezultatin e pastër 3-0 Bylisin në “Loro Boriçi”.
Pas 24 javësh të luajtura, Egnatia dhe Vllaznia kanë filluar arratinë në dy vendet e para. Konkretisht ndaj Partizanit dhe Dinamos, që janë 5 pikë larg rrogozhinasve dhe 3 ndaj shkodranëve.
Gara për mbijetesën qëndron mes 5 skuadrave. Laçi është 3 pikë e shkëputur nga vendi i tetë. Në anën tjetër Bylis, Teuta, Tirana dhe Skënderbeu ndahen nga 4 pikë.
Discussion about this post