“Abissnet Superiore” luan javën e 25-të të saj, me tre duele interesante ditën e sotme.
Në orën 13:00, Kastrioti pret në Kamzë Teutën. Skuadra e Çelës ndodhet në vendin e fundit në renditje dhe kërkon menjëherë kthesën në mënyrë që t’ia dali të mbijetojë. Nga ana tjetër, durrsakët duket se i kanë hedhur sytë nga Europa, duke lënë pas për momentin luftën për mbijetesë.
Po në këtë orë, Kukësi pret në shtëpi Bylisin. Të dyja skuadrat ndodhen në luftë për mbijetesë dhe për këtë arsye tre pikët shihen si detyrimi i vetëm.
Në orën 16:00, në stadiumin “Niko Dovana” luhet sfida Erzeni-Egnatia. Shijakasit nuk fitojnë në kampionat prej 5 ndeshjes dhe duket se kanë lëshuar shumë terren në garën për Europë. Nga ana tjetër, ekipi i Edlir Tetovës po kalon një formë mjaft të mirë dhe tani mund të quhet si një pretendent për titull.
Discussion about this post