SUPERIORE/ Skënderbeu dhe Dinamo barazim argëtues pas 4 golave, Vllaznia “rrëmben” tre pikët në fund

Kategoria Superiore është rikthyer të luajë javën e saj të 14-të pas pauzës së Kombëtareve, me katër skuadra që zbritën në fushë mbrëmjen e së shtunës.

Skënderbeu priti në Korçë skuadrën e Dinamos në një sfidë vërtet spektakolare. Dueli nisi me ritëm tepër të lartë, me Itodo Mandelën që shënoi në minutën e 15’ dhe menjëherë iu kundërpërgjigj Cucka, i cili barazoi sfidën pas një minute.

Në minutën e 33’ ishte Rashica ai që përmbysi sfidën momentalisht, por Vila barazoi sërish në minutën e 55’, me takimin që u mbyll 2-2.

Në përballjen e luajtur në Shkodër mes Vllaznisë dhe Teutës, ishin kuqeblutë ata që dolën me tre pikë nga “Loro Boriçi”. Në fundin e pjesës së parë Bajrami kaloi në avantazh shkodranët, teksa Nasr barazoi në minutën e 67’. Por në minutën e 89’, Gruda mendoi për të siguruar tre pikët për ekipin e tij, me rezultatin përfundimtar që shënoi 2-1 për Vllazninë.

Kështu Vllaznia merr momentalisht vendin e parë me 25 pikë, ndërsa Teuta vijon të qëndrojë në mesin e tabelës me 17 pikë. Dinamo ende ndodhet në zonën e “Final 4” me 21 pikë, ndërsa Skënderbeu ende “lundron” në ujëra të trazuara, duke qëndruar në vendin e 8-të me 13 pikë.

REZULTATET:

SKËNDERBEU 2-2 DINAMO

Cucka 16’, Rashica 33’ / Mandela 15’, L. Vila 55’

54’ GOOOL DINAMO! Toli sheh gjuajtjen e tij të ndalet nga Mandela, më pas është Vila i cili provon dy herë portën dhe me të dytën çon sferën në rrjetë.

(VIDEO)

33’ GOOOL SKËNDERBEU! Çuçka nis me shpejtësi një goditje dënimi duke pasuar për Rashicën i cili nga e djathta shënon golin e avantazhit.

(VIDEO)

16’ GOOOL SKËNDERBEU! Rashica jep një pasim diagonal për Çuçkën në të djathtën, me 21-vjeçarin i cili mposht Salin.

(VIDEO)

15’ GOOOL DINAMO! Blutë gjejnë rrjetën me anë të Mandela i cili gjuan në mënyrë të shkëlqyer nga jashtë zonës duke tundur rrjetën.

(VIDEO)

VLLAZNIA 2-1 TEUTA

Bajrami 45+2’, Gruda 89’ / Nasr 67’

90′ GOOOL! Ildi Gruda rikthen Vllazninë në avantazh. Festë e madhe në “Loro Boriçi”.

(VIDEO)

67′ GOOOL! Kryevepër e Nasr, që barazon sfidën. Kristi Qarri e ka të pamundur të ndalë goditjen e lëshuar nga një distancë më e madhe se 25 metra.

(VIDEO)

RENDITJA:

gijotina.com/