Këtë të Premte u zhvilluan tre takime të vlefshme për javën e 26-të të Superiores.
Vllaznia nuk shkoi më shumë se barazimi 1-1 ndaj Elbasanit në shtëpi. Shkodranët e nisën mirë ndeshjen duke kaluar të parët në avantazh me Deliun në minutën e 11-të. Megjithatë miqtë barazuan shifrat me Mustën, i cili shënoi me kokë në minutën e 24-t. Dy minuta më vonë, Vllaznia kishte mundësinë të rikthente avantazhin, por gjuajtja e Balajt nga penalltia, u prit nga portieri Abalora.
Ky barazim, e ngjit Vllazninë në vendin e dytë me 45 pikë, ndërsa Elbasani merr vendin e pestë me 31 pikë.
Humbje e hidhur për Partizanin, që u mposht 3-2 me përmbysje në shtëpi nga Bylisi. Të kuqtë e kryeqytetit shpërdoruan avantazhin e dyfishtë, pas golave të shënuar nga Taipi dhe Sembene.
Victor Da Silva ngushtoi diferencat në pjesën e parë, ndërsa në pjesën e dytë erdhi përmbysja. Mustapha barazoi shifrat në minutën e 71-të, para se Flamur Ruçi të shënonte golin e fitores në minutën e 92-të.
Me këtë rezultat, Partizani regjistron ndeshjen e pestë pa fitore dhe renditet në vendin e katërt me 40 pikë. Bylis renditet në vendin e shtatë me 28 pikë.
Ndërkohë, Dinamo u rikthye te fitorja në kampionat, pas katër barazimeve radhazi. Blutë e kryeqytetit triumfuan me rezultatin 2-0 ndaj Laçit.
Heroi i vendasve ishte Dejvi Bregu, i cili realizoi dopietë golash. Sulmuesi zhbllokoi takimin në minutën e 2-të me një supergol nga jashtë zone, ndërsa dyfishoi shifrat me penallti në minutën e 68-të.
Me këtë sukses, Dinamo ngjitet në vendin e dytë në renditje, me 44 pikë të grumbulluara, 4 më pak se Egantia kryesuese.
Në krahun tjetër, Laçi zbret në vendin e gjashtë me 30 pikë.
Ditën e nesërme, Skënderbeu do të luajnë në shtëpi përballë Egnatias, ndërsa Teuta me Tiranën.
Discussion about this post