Në Rrogozhinë dhe Kamës do të luhet dy sfidat e ditës së sotme të kampionatit shqiptar, ku 4 skuadra do të zbresin në fushën e lojës për të luajtur për llogaritë e javës së 29-të. Të dy sfidat do të luhen në orën 13:45.
Egnatia-Tirana një sfidë interesante mes dy skuadrave, ku rrogozhinasit e Zekirija Ramadanit do të kërkojnë pikët e mbijetesës ndaj Tiranës kryesuese të Orges Shehit.
Po ashtu edhe në Kamëz, Kastrioti do të presë Kukësin. Një përballje e luftuar pritet të jetë kjo mes krutanëve dhe verilindorëve, pasi vendasit do të kërkojnë pikët e mbijetesës dhe kërkojnë të vazhdojnë ecurinë e rezultatev pozitive, ndërsa nga krahu tjetër Diego Longo do të kërkojë rikthimin te fitoja përballë skuadrës më të mirë të momentit në kampionat.
Kategoria e Parë do të luajë sfidat e javës së 27-të të saj, ku në fushën e lojës do të zbresin 16 skuadrat, ndërsa të gjithë sfidat do të luhen në orën 15:00.
Kjo javë ka rezervuar përballje të forta për skuadrat e kreut, ku Bylisi kryesues do të presë në shtëpinë e tij Tërbunin e vendit të 6-të.
Erzeni i vendit të dytë do të udhëtojë në transfertë për të luajtur kundër Lushnjes, ndërsa Korabi do të presë në shtëpi Apoloninë e vendit të 4-të, një sfidë që pritet të jetë më e luftuara e kësaj jave në Kategorinë e Parë.
Tomori i vendit të 5-të do të udhëtojë në Lezhe për t’u përballur me Besëlidhjen, ndërsa Besa e Kavajës pret të përballet me Butrintin e Sarandës, ndërkohë Burreli vihet përballë Vorës.
Turbina pret Maliqin e vendit të parafundit, ndërsa sfida e fundit është ajo mes Shkumbinit që udhëton në POgradec për t’u përballur me pogradecarët.
Discussion about this post