Sot do të luhen dy ndeshje të tjera të Kategorisë Superiore, ose siç quhet tashmë ‘Abissnet Superiore’, në kuadër të javës së parë të sezonit 2021-2022.
Tirana do të presë në stadiumin ‘Selman Stërmasi’ skuadrën e Skënderbeut në orë 13:45, në një takim që pritet të jetë shumë emocionues dhe me spektakël, duke pasur parasysh merkaton që kanë bërë të dyja palët.
Po në të njëjtën orë në Laç do të luhet sfida midis bardhezinjëve dhe Vllaznisë, kjo ndeshje po ashtu premton shumë. Bazuar në faktin e 7 viteve që kuqeblutë e Shkodrës nuk kanë marrë asnjë fitore nga ky kundërshtar, këtë herë do tentojnë të bëjnë gjithçka.
Nga ana tjetër edhe për Laçin kjo është një sfidë e rëndësishme, duke ditur se përballë ka kampionët e Kupës së Shqipërisë./Gijotina.com
