Të premten ngre siparin kampionati europian i futbollit, me 24 skuadra në garë për të fituar trofeun prestigjioz.
Mes ekipeve pjesëmarrëse është edhe Kombëtarja e Shqipërisë e drejtuar nga tekniku Silvinjo.
Cila skuadër është më e favorizuar për të marrë në shtëpi kupën?
Sipas “Opta”, kompanisë së specializuar në mbledhjen e të dhënave sportive, duke arritur më pas në parashikime, shanset më të mëdha për të triumfuar në Europianin e Gjermanisë i kanë Anglia dhe Franca, përkatësisht me 19.9 përqind dhe 19.1 përqind.
Kombëtarja jonë renditet në vendin e parafundit si favorit për të fituar Europianin, me 0.2 përqind.
Për të arritur në çerekfinale shanset e kuqezinjve llogariten 11.6 përqind. Për të prekur gjysmëfinalen, sipas “Opta”, Shqipëria ka 3.2 përqind mundësi.
Ndërsa 0.8 përqind shanse i jep kompania britanike Shqipërisë për të dalë në finale të turneut madhor.
Shqipëria luan të shtunën në 21:00 takimin e parë në grup kundër Italisë, kampione në fuqi. Ndeshjet e tjera të grupeve do i diskutojë me Kroacinë dhe Spanjën.
Discussion about this post