Ditën e sotme do të nisë java e 12 e Superligës shqiptare me dy ndeshje që do të zhvillohen në orën 16:45.
Dinamo do të presë Teutën në një takim ku kërkojnë të bëjnë gjithçka. ‘Blutë’ e kryeqytetit vijnë në këtë përballje me kampionët në fuqi të Shqipërisë pas disfatës së turpshme me rezultatin 5-0 ndaj Laçit. Kjo ndeshje është shumë e rëndësishme për ‘Nëndetësen Blu’ që prej javësh po vuan.
Nga ana tjetër ‘Djemtë e Detit’ e kanë humbur ‘magjinë’ e sezonit të kaluar dhe po vuajnë për gola e për fitore. Ky është takimi i dytë i tyre nën drejtimin e Renato Arapit, i cili e mori drejtimin e stolit të durrsakëve në një moment shumë delikat dhe tashmë po kërkon të marrë fitoren e parë.
Ndërsa kjo do të jetë edhe një ndeshje mes dy ish-shokëve të skuadrës Arapit dhe Bledi Shkëmbit, të cilët tani do jenë kundërshtarë në krye të stolave të ekipeve përkatëse.
Ndeshje tjetër që do të luhet sot është ajo midis Tiranës dhe Kastriotit, e cila shihet si një takim për procedurë, pasi bazuar në renditjen në tabelë ‘Bardheblutë’ e kryeqytetit që janë të parët konsiderohen si fitues të këtij takimi, ndaj krutanëve që po vuajnë në fund të klasifikimit.
Ndërsa takimet e tjera të këtij raundi do të zhvillohen në dy ditë të mërkurën në orën 16:45 përballen Skënderbeu-Egnatia dhe Vllaznia-Partizani, ndërsa të enjten do të ndeshen në orën 13:45 Kukësi-Laçi./K.T/Gijotina.com
Discussion about this post