Tirana zyrtarizoi Kristal Abazajn dhe klubi e prezantoi sulmuesin për të gjithë tifozerinë nëpërmjet një video në rrjetet sociale. 26-vjeçari është afruar në merkaton e Janarit me shpresën për të forcuar repartin e sulmit.
Abazaj ishte pjesë e Istanbulspor, me të cilën luajti fare pak ndeshje. Më herët kristal Abazaj ka qenë pjesë e Anderlecht dhe Osijek ndërsa ka luajtur edhe në disa skuadra shqiptare. Abazaj mendohet se do të plotësojë boshllëkun që lë Redon Xhixha, i cili do të bëhet pjesë e azerëve të Qarabag.
Nga ana tjetër edhe Partizani ka shitur dy lojtarë, ndoshta nga më kryesorët. Pas largimit të kapitenit Bitri tek Ostrava, është larguar edhe Skuka. Sulmuesi do të luajë në ligën 2 në Francë me Metz, e cila përpiqet që të rikthehet në shkallën më të lartë të kampionatit.
Futbollisti është në Francë ku do t’i nënshtrohet vizitave mjekësore. Me kalimin me sukses të tyre pritet edhe njoftimi zyrtar nga klubi i Partizanit. Ka të dhëna që Metz do të paguajë 1 milionë euro Partizanit për Skukën.
Një shifër rekord për një futbollist të Superligës. Kjo tranfertë ka qenë favorizuar edhe nga fakti që Skuka ka edhe nënshtetësinë franceze dhe klubit nuk do t’i duhej të kufizohej në aktivizmin e lojtarëve ekstrakominutarë.
Xhixha u largua nga Superliga si shënuesi më i mirë me 11 gola, teksa Skuka kishte 10-ë.
/Tv Klan/
Discussion about this post