Ditën e sotme do të nisë java e 13 e Superligës shqiptare, e cila rezervon sfida shumë interesante.
Kjo e dielë do të zbresë në fushë katër skuadra, që do ndeshen në dy orare të ndryshme. Në 13:45 në stadiumin e Kamzës do të nisë takimi mes Kastriotit dhe Egnatias.
Këto dy skuadra kanë një përballje shumë të interesante, pasi të dyja qëndrojnë në zonën e rrezikut, respektivisht krutanët renditen të fundit me 5 pikë, teksa rrogozhinasit janë të 9 me 11 pikë dhe të dyja palët kërkojnë 3 pikët që të mundohen t’i shpëtojnë rënies nga kategoria. Rikujtojmë edhe që të dyja këto skuadra vijnë nga disfata Kastrioti ndaj Tiranës, ndërsa Egnatia ndaj Skënderbeut, një motiv më shumë që të kërkojnë fitoren në këtë takim.
Teksa ndeshja e dytë që do të luhet po sot është ajo që konsiderohet si përballje kulturash, Vllaznia-Skënderbeu.
Të dyja këto skuadra vijnë nga fitore dhe janë të motivuara për të vazhduar me rezultate pozitive, megjithatë diferenca e madhe qëndron në renditje me shkodranët që janë 3 me 20 pikë, ndërsa korçarët në vend të 8 me 11 pikë.
Megjithatë sot pritet një takim shumë interesant dhe i luftuar nga të dyja anët, që do bëjnë gjithçka për këto 3 pikë./K.T/Gijotina.com
Discussion about this post