Sot do të luhet dita e dytë e ndeshjeve për raundin e shtatë të Superligës, ku Laçi do të presë Skënderbeun, ndërsa Vllaznia do të luajë me Tiranën në ‘Loro Boriçi’.
Laçi ka marrë fitoren e parë të këtij sezoni në javën e gjashtë, ndërsa prej kohësh vuante për rezultate. Kurbinasit ndodhen në vend të shtatë me pesë pikë, teksa sot do të jetë edhe dita e debutimit të trajnerit të ri Mirel Josës.
Ndërsa korçarët janë në gjendje shumë të rëndë, duke u renditur të fundit me vetëm tre pikë në gjashtë takime të luajtura.
Ky takim do të luhet në orën 13:45, teksa sfida tjetër ajo midis Vllaznisë dhe Tiranës njohur si ‘Klasikja’ e futbollit shqiptar.
Vllaznia aktualisht renditet e katërta me nëntë pikë, teksa Tirana ndodhet në vend të dytë me pikë të barabarta me Kukësin e vendi të parë.
Ndërsa të premten u luajt ndeshja midis Dinamos dhe Kukësit, e cila u mbyll me rezultatin 0-1./K.T/Gijotina.com
