Ditën e sotme do të nisë java e tetë e Superligës dhe dita e parë rezervon dy takime. Ndeshja e parë është ajo midis Kukësit dhe Skënderbeut, teksa sfida e dytë e ditës dhe më interesantja e kësaj jave është derbi Tirana-Dinamo.
Verilindorët do të udhëtojnë drejt Korçës për përballjen e orës 16:45, teksa pritet të jetë një sfidë shumë interesante. Vendasit renditen në fund të tabelës së këtij kampionati dhe po kërkojnë çdo formë për të marrë sadopak pikë që t’i shpëtojnë rrëzimit nga kategoria.
Kukësi nga ana tjetër renditen në vend të dytë me vetëm 3 pikë diferencë nga Tirana e kreu, ndaj kjo fitore do i jepte më shumë siguri në rrugën drejt titullit.
Teksa sfida midis Tiranës dhe Dinamos do të nisë në orën 19:45 me vendasit që vijnë në këtë takim pas disfatës në derbin e Kupës së Shqipërisë kundër ‘Bluve’.
‘Bardheblutë’ do tentojnë të mbajnë vendin e parë në Superligë të pacënuar si edhe të rikthejnë fitoren në shtëpi, teksa ‘Nëndetësja Blu’ vjen në këtë takim e motivuar dhe me qëllimin e vetëm që të tregojë forcën.
Aktualisht Dinamo renditet në vendin e 5 me 9 pikë dhe një fitore e mundshme do e ndihmonte në ecurinë pozitive në kampionat./K.T/Gijotina.com
Discussion about this post