Partizani triumfoi 2-1 ndaj Skënderbeut me përmbysje, në sfidën e javës së 29-të në Superiore.
Përballje spektakolare dhe shumë e luftuar në Korçë, ku të dyja ekipet e kishin detyrim fitoren.
Pjesa e parë u mbyll me avantazhin e juglindorëve, pas golit të shënuar nga Ardit Nikaj me penallti. Gjergji Kote barazoi shifrat në minutën e 66-të, ndërsa Eleke realizoi golin e përmbysjes në minutën e 91-të.
Me këtë fitore, Partizani mban vendin e katërt me 43 pikë, ndërsa Skënderbeu renditet i fundit me 27 pikë të grumbulluara.
Në sfidën tjetër, Dinamo mposhti 3-1 Bylisin.
Sfida u zhbllokua në minutën e shtatë, me Itodo Mandelën që kaloi mjaft mirë portierin dhe dërgoi topin në rrjetë. Në të 28-tën, një top perfekt i Zabërgjës shfrytëzohet në maksimum nga Dejvi Bregu, i cili nga fare pranë nuk fal.
Ballshiotët u rifutën në lojë brenda pjesës së parë, teksa Flamur Ruçi ndëshkoi ekipin e Dajës, gjatë zhvillimit të një goditje këndi.
Për të siguruar fitoren e Dinamos mendoi Dejvi Bregu, që kompletoi dopietën personale me një gol fantastik në të 64-tën. Dinamo është në vendin e dytë me 50 pikë ndërsa Bylis është në vendin e shtatë me 31 pikë.
Renditja:
Discussion about this post