Sot në orën 16:45 do të zhvillohen dy takimet e fundit të javës së shtatë të Superligës shqiptare. Partizani do të presë Egnatian në stadiumin ‘Air Albania’ për të bërë kthesë në rezultate pas gjashtë jave mungesë të fitores dhe humbjes në takimin e fundit të derbit me Tiranën.
Ndërsa Egnatia nga ana tjetër e ka treguar se është një surprizë e vërtetë me ndeshjet e luajtura deri më tani dhe takimi i sotëm është një tjetër mundësi për ta vërtetuar atë gjë.
Kryeqytetasit renditen aktualisht në vendin e 8 me 4 pikë të mbledhura, ndërsa skuadra e Rrogozhinës është në vendin e 6 me 8 pikë.
Ndërsa në dyshen tjetër atë midis Teutës dhe Kastriotit, vendasit do tentojnë të marrin tre pikët nga kjo sfidë në mënyrë që të mos krijojnë shumë shkëputje nga Tirana e vendit të parë, teksa krutanët ndodhen në zonën e rrezikut, në vendin e 9 me 4 pikë dhe iu duhet fitorja që të ngrihen në renditje, megjithatë kjo do të varet edhe nga rezultati i sotëm i Partizanit./K.T/Gijotina.com
