Java e 12-të në Superligën Shqiptare të futbollit ka rezervuar përballje interesante ku ditën e sotme skuadrat kanë shumë për të treguar në fushë.
Në orën 16:45 do të mbahet takimi Skënderbeu – Egantia në fushën korçare, ku skuadra nga Rrogozhina që udhëton në transfertë e ka ndeshjen e parë me trajnerin e ri, Zekirija Ramadani që nënshkroi vetëm pak ditë më parë me këtë skuadër.
Ramadani erdhi nga një karrierë e gjatë në Superligën kosovare të futbollit, ku drejtori shumë ekipe të mëdha, por mund të veçojmë së fundmi drejtimin e stolit të Prishtinës.
Nga ana tjetër e vendit, në ‘Loro Boriçi’ do të mbahet përballja mes Vllaznisë dhe Partizanit, takim i cili starton në orën 16:45.
Partizani ka një renditje të ngjeshur para tij, ku një fitore ndaj shkodranëve do ta katapultonte shumë lart në klasifikim, por nuk duhet të harrojmë se dhe skuadra e Bërdariç ka treguar një nivel të lart loje në takimet e fundit, dhe kjo është aryseja pse pritet që këto përballje do të dhurojnë emocione.
Discussion about this post