Skënderbeu regjistroi fitoren e dytë radhazi, teksa mposhti minimalisht Erzenin, në ndeshjen e vlefshme për javën e 33-të në Superiore.
Vendosi goli i shënuar nga Dejvid Janaqi në minutën e 7-të, për t’i dhënë 3 pikë të arta korçarëve.
Shijakasit luajtën me 10 lojtarë nga minuta e 70-të, pasi Mëllugja, u ndëshkua me karton të kuq. Gjithashtu, Skënderbeu goditi dy herë tranversën, me Rashicën dhe Likajn, nga goditja e dënimit.
Kjo fitore, ngjit korçarët, në vendin e pestë me 47 pikë, po aq sa edhe Dinamo e vendit të katërt.
Në krahun tjetër, Erzeni ka prerë biletën për në Kategorinë e Parë, pasi mban vendin e parafundit me 31 pikë.
Dinamo City – Laçi
Nuk prodhoi fitues, sfida mes Dinamo City dhe Laçit, e cila u mbyll në barazim pa gola.
Pavarësisht rasteve të shumta për shënim, skuadra kryeqytetase, nuk ia doli ta dërgojë dot topin në rrjetë.
Pas këtij barazimi në ndeshjen e vlefshme për javën e 33-të, Dinamo mban vendin e katërt në renditje me 47 pikë, ndërsa Laçi renditet në vendin e shtatë me 39 pikë.
Discussion about this post