Teuta mposhti Tiranën me rezultatin 2-1 në duelin për mbijetesë.
Beshiraj tundi rrjetën e Selmanit që në minutën e katërt, por goli u anulua për pozicion jashtë loje. Në të 13-ën Zharmuni zhbllokoi shifrat për Tiranën, por festa nuk i zgjati shumë, pasi Simeu gjeti golin e tij të parë në kampionat, shkruan A2.
Teksa dukej që sfida do të mbyllej barazim, Kotobelli fiton penallti dhe Lloci e realizon. Kështu, Teuta parakalon Tiranën duke u ngjitur në vendin e tetë, ndërsa Tirana e sheh veten në vendin e parafundit.
Ndërkohë, Skënderbeu ka mundur Egnatian me shifrat 1-0 në Korçë, duke ringjallur edhe një herë shpresat për mbijetesën.
Korçarët kanë dominuar plotësisht përballë rrogozhinasve, të cilët nuk u shfaqen thuajse asnjëherë rrezikshëm para portierit Alia në një paraqitje shumë larg atyre që kanë dhuruar në 9 ndeshjet e fundit në të gjitha kompeticionet ku kanë shënuar vetëm fitore.
Korçarëve iu deshën dy penallti të akorduara falë VAR-it për të shënuar të dytën dhe për të siguruar tre pikët që i nevojiten për të ringjallur luftën për mbijetesë.
Discussion about this post