Sot do të mbyllet java e pestë e Superligës me ndeshjen Vllaznia-Dinamo që do të luhet në ‘Loro Boriçi’ në orën 19:45.
Shkodranët dhe kryeqytetasit renditen në vend të pestë dhe të gjashtë me nga gjashtë pikë secili, teksa vetëm fitorja do u bënte punë të dyve që të ngriheshin në renditje.
Kundërshtarët e ditës së sotme kanë mundur të marrin vetëm nga një fitore në katër ndeshje të luajtura, teksa sot pritet të zhvillojnë një ndeshje shumë të luftuar .
Nëse do të kemi një fitues nga sfida e mbrëmjes sotme, ajo skuadër do të kalonte në vend të dytë të Superligës, pas Tiranës që është në kuotën e 11 pikëve.
Kampionët në fuqi të Kupës së Shqipërisë do tentojnë t’i rikthehen rezultateve pozitive të sezonit të kaluar, teksa ‘Nëndetësja Blu’ do që të tregojë se rikthimi në Supeligë ishte mëse i merituar dhe kërkon të jetë sërish skuadra e ‘frikshme’ e para shumë viteve./K.T/Gijotina.com
