Ditën e sotme do të ngrejë siparin java 9 e Superligës. Këtë të shtunë do të luhen dy ndeshjet e para me Vllazninë që do të presë Kastriotin në orën 16:45 në stadiumin ‘Loro Boriçi’ dhe Partizanin që do të ndeshet me Laçin në orën 19:45 në ‘Air Albania’.
Vllaznia vjen në këtë sfidë pas tre ndeshjeve pa rezultate pozitive dhe i duhet me patjetër kthesa dhe renditet në vend të 5 me 10 pikë, ndërsa Kastrioti vijon pikiatën duke qëndruar në vend të fundit me vetëm 5 pikë.
Sfida Partizani-Laçi pritet të jetë shumë interesante me kryeqytetasit që deri më tani kanë mundur të marrin vetëm një fitore në kampionat atë kundër Kastriotit dhe renditen në vend të 8 me 8 pikë, teksa kundërshtarët e tyre të kësaj sfide pas disa javësh jo të mira në fillim të sezonit janë rikthyer në formë dhe renditen në vend të 4 me 11 pikë.
Ndeshjet e tjera të këtij raundi do të zhvillohen në dielën Teuta-Skënderbeu në orën 13:45 dhe Dinamo-Egnatia në orën 16:45 si edhe të hënën që është takimi i fundit i javës së 9 Kukësi-Tirana që do të zhvillohet në orën 19:45./K.T/Gijotina.com
Discussion about this post