Deputeti i PD-së, Helidon Bushati, ka pyetur kryeministrin Edi Rama në Komisionin Hetimor të Inceneratorëve, se s’i ka mundësi që kompania që fitoi tre koncesionet e inceneratorëve, u lejua të zgjedhë po vetë dhe supervizorin. Rama në përgjigjen e tij tha se dhe vetë atij i tingëllon keq diçka e tillë, por në mënyrë të tillë është i ndërtuar ligji. Ai gjithashtu ftoi opozitën që në përfundim të Komisionit Hetimor ta rekomandojnë këtë gjë dhe të rishihen në parlament dispozitat ligjore, duke marrë dhe opinionin e ekspertëve.
Pjesë nga diskutimet:
Helidon Bushati: Si ka mundësi që pronari i tre koncensioneve, përzgjodhi dhe pagoi vetë supervizorin?
Rama: Unë nuk thashë këtë, unë thashë që unë kam një kornizë që unë punoj. Roli im është i përcaktuar unë nuk merrem me supervizorë, kjo është kryerja e detyrës së tyre. Unë jam njeri që dua të mësoj gjithë kohës, nuk jam me tituj shkencorë siç jeni ju këtu, por kjo është temë tjetër. Nuk kam as master dhe kam pasur fobi nga titujt shkencor. Por unë mësoj. Ligji e ka kështu që supervizorin e zgjedh kompania me disa alternativa.
Komisioni të sjellë dhe rekomandime, rekomandoni që kemi parë këtë gjë dhe ta shikojmë. Edhe mua kur e dëgjoj kështu siç e thua ti, më tingëllon ashtu.
Këtë e ka ligji, por me shumë gjasë ekspertët mund të thonë që dale ju e keni gabim.
Helidon Bushati: Në kontratë apostafat është vendosur kjo dispozitë e tille e jashtëligjshme. Nuk ka nevojë për të ndryshuar ligjin, por duhet zbatuar ligji. Është vendosur qëllimisht në kontratë kjo kalauzolë….
Discussion about this post