Këngëtari i njohur, Alban Ramosaj, është një ndër artistët më të dashur për publikun shqiptar dhe së fundmi ka fituar zemrat e fansave të tij me këngën “Thikat e mia”, me të cilën doli fitues në festivalin “Kënga Magjik”.
Ndonëse këto kohë Albani nuk ka lançuar ndonjë projekt të ri, përveç këngës “Shpirto”, ai nuk i ka harruar ndjekësit e tij.
Përmes një postimi në Instagram, këngëtari shkruan se do të sjellë albumin e tij të parë dhe ne nuk mund të ishim më të gëzuar nga kjo surprizë e papritur.
Sipas tij album përmban 20 këngë që do jenë në shqip, anglisht dhe në gjuhë të tjera. Albani nuk ka zbuluar ende datën e publikimit të tij, por shkruan se deri atëherë mund të sjellë edhe ndonjë projekt muzikor.
“Që nga periudha e Këngës Magjike dhe publikimit të këngës #Shpirto e der’ më sot kam qenë i rezervuar me publikimin e këngëve të reja- Me arsye! Ju premtoj. Ndaj me gëzim dhe entuziazëm faktin që sot shënon dita ku kam përzgjedhur për vete 20 nga 164 këngë e demo që shkrova për t’ia përveshur punës drejt gdhendjes së *drum roll*… Albumit tim të parë!! -i cili do të jetë i mbushur me kënge Shqip, Anglisht, (madje dhe gjuhë të tjera, por të mbeten surprizë këto) ritmike, balada, bashkëpunime të ndryshme me DJ, këngëtarë/(e) shumë te dashur për ju si dhe të rinj. Së bashku do qeshim e do qajmë, do kërcejmë e do ulemi ne mendime e do lundrojmë nëpër kujtime.. Nuk supozohesha të indikoja asnjë informatë mbi këtë gjë sepse akoma nuk kam një ditë kur do të publikohet krahas kësaj mundohem ti qëndroj besnik shprehjes “Work in silence and let actions speak” e mbi të gjitha ngaqë jam në fillim të strukturimit të projektit, por ata që janë të afërmit e mi e dinë që s’më mban barku asgjë për vete, sidomos lajme të tilla. Ju do Albani fort, dhe der’ sa të publikohet Albumi, se mos lançoj ndonjë kënge e klip tek-ktu, nuk i prish punë ‘kujt, apo jo?” – ka shkruar Alban Ramosaj në Instagram.
Rikujtojmë se Alban Ramosaj është përzgjedhur për t’u bërë pjesë e edicionit të 60-të të Festivalit të Këngës në Radio Televizionin Shqiptar i cili do konkurrojë me artistë të tjerë për të shkuar në Eurovizion.
Discussion about this post