Dita e sotme për kryedemokratin Lulzim Basha është tepër e veçantë.
Një ditë para mbajtjes së zgjedhjeve për kryetar të PD, Lulzim Basha feston 47-vjetorin e lindjes,. Por, ditëlindja e kryedemokratit i përkon dhe me përvjetorin e 30 të krijimit të Partisë Socialiste.
Basha ka lindur më 12 qershor të vitit 1974. Prej tetë vitesh ai ndodhet në krye të PD ndërsa më herët, në kohën e qeverisjes së PD ka mbajtur poste të rëndësishme si ai i ministrit të Transportit, Brendshëm dhe të Jashtëm.
Ndërkohë nga vitin 2011 deri në vitin 2015 ai ka mbajtur postin e kryebashkiakut të Tiranës.
Nuk kishte sesi të mungonte një surprizë për liderin demokratë, i cili aktualisht është duke ndjerë “ethet” e garës brenda partisë së tij.
Ka qenë pikërisht të rinjtë, ata që e kanë surprizuar jashtë selisë blu me një tortë të realizuar me gurë shahu.
Basha nuk ka nguruar dhe e ka ndarë menjëherë në Instagram duke shkruar: “Faleminderit nga zemra për këtë surprizë. Prania juaj është dhurata më e bukur”.
Kujtojmë që ditën e nesër në orën 08:00, të gjithë demokratët do të votojnë për të zgjedhur kryetarin e tyre.
