Gjermania luan të enjte në 20:00 kundër Kosta Rikës në Kupën e Botës. FIFA ka vendosur që në këtë përballje të vendosin drejtësinë arbitret femra. Në “Al Bayt Stadium” të Al Khor, ‘Panzerat’ do jenë në dorë të kryesores franceze Stephanie Frappart.
Ndihmëse të saj do jenë asistentja nga Brazili Neuza Bak dhe meksikania Caren Medina. Kjo është hera e parë që FIFA aplikon një treshe gjyqtaresh femrash në një Kupë Bote.
Ndeshja është e rëndësishme për Gjermaninë, me djemtë e Flick që kanë vetëm një pikë dhe janë në fundin e grupit. Fitorja është detyrim për Gjermaninë, teksa duhet të shpresojë edhe në fitoren e Spanjës kundër Japonisë.
Discussion about this post