Nisja e “Love Story 2” po afron dhe ndërkohë që presim datën 15 nëntor, disa surpriza janë zbuluar!
Bleona Qerreti do të jetë një nga opinionistet e këtij emisioni. Lajmi është bërë i ditur nga faqja zyrtare e vetë programit.
Kujtojmë se një nga fronistët e “Love Story” do të jetë Kristi Aliaj. Ai është djali i Robert Aliajt, i cili ashtu si në sezonin e parë, do të jetë një nga opinionistët edhe këtë vit.
Kristi do të jetë në fron për të zgjedhur partneren mes shumë vajzave, por ajo që e bën akoma më interesante këtë fakt është prania e Robertit në program si opinionist, i cili do t’i duhet të gjykojë e vlerësojë të birin.
Përveç Kristit, do të jetë edhe një vajzë në fron. Pak kohë më parë, gjatë një interviste për Klan News, autorja Ilda Lumani u shpreh “vajza që është zgjedhur ka spikatur që vitin e kaluar dhe e meriton plotësisht të jetë në atë karrige, pasi i plotëson të gjitha kushtet dhe do të bëjë diferencën me elegancën, bukurinë, nivelin dhe mënyrën se si do të sillet”.
Ndryshe nga viti i kaluar, programi do të vijë i shoqëruar me një emision ditor. “Love Story Talk” do të drejtohet nga Eni Shehu.
Discussion about this post