Taylor Swift nuk ndalet së surprizuari fansat.
Këngëtarja dhe superylli i muzikës pop ka njoftuar përmes emisionit Good Morning America se do të publikojë një format dokumentari me 6 seri dhe një film të ri, që do të transmetohen ekskluzivisht në Disney+.
Ai titullohet “The End of an Era” dhe sjell një vështrim pas kuintave të turit madhështor “Eras Tour”, i cili u zhvillua nga marsi 2023 deri në dhjetor 2024 në stadiume të mbushura me plot fansa në mbarë botën.
Dy episodet e para do të publikohen më 12 dhjetor, një ditë para ditëlindjes së 36-të të Taylor-it.
Episodet e mbetura do të dalin dy nga dy, gjatë dy javëve që pasojnë.
Po ashtu, më 12 dhjetor, do të publikohet edhe filmi i ri koncertal: “Taylor Swift: The Eras Tour: The Final Shoë”, i cili është regjistruar gjatë koncertit të fundit të turit, më 8 dhjetor 2024, në BC Place, Vancouver.
Filmi përfshin të gjithë performancën live, si dhe të gjithë setlist-in e albumit të fundit të Swift, “The Tortured Poets Department”, i publikuar gjatë turneut.
Turneu “Eras Tour” konsiderohet një ndër më të suksesshmit në histori, duke gjeneruar mbi 2 miliardë dollarë nga shitja e biletave. Fansat e Swift të njohur si Swifties po përgatiten për një tjetër dhuratë të madhe nga artistja e tyre e preferuar.
Discussion about this post