Një burrë nga New South Wales në Australi iu përgjigj një telefonate për të cilën dyshonte se ishte një shaka, dhe u “shokua” kur mësoi se kishte fituar një çmim prej mbi 66 mijë dollarë.
Nga lotaria njoftuan se burri nga qyteti Revesby kishte fituar çmimin prej 66,790 dollarëve nga tërheqja e fituesve të “Lucky Lotteris Super Jackpot”.
Zyrtarët e lotarisë e telefonuan burrin i cili biletën e kishte blerë nga interneti, në mënyrë që t’ia japin lajmin e mirë, raporton UPI, përcjell Telegrafi.
“Oh Zot! Mendova se ishte një shaka! Nuk mund të shprehem se sa i lumtur jam tani që u përgjigja”, tha fituesi. “Kam mbetur pa fjalë!. Është e mahnitshme. Ka 10 vite prej se kam filluar që të luaj me Lucky Lotteries, por që asnjëherë nuk kam pritur që ta fitoj ndonjë çmim”, shtoi ai.
Australiani bëri të ditur se veçse ka plane se si do t’i shpenzojë paratë e fituara.
“Kjo është një ngjarje absolutisht që të ndryshon jetën. Unë do t’i përdor të gjitha për të paguar hipotekën në pronën time të blerë së fundmi, dhe kjo shumë më ndihmon mjaftueshëm”, tha ai.
Discussion about this post