Tenistja polake Iga Swiatek (WTA: 8) fitoi titullin e saj të parë në Wimbledon në mënyrë spektakolare, duke mposhtur amerikanen Amanda Anisimova (WTA: 12) me rezultatin 6:0, 6:0, në një finale që do të mbahet mend për dominimin absolut të polakes.
Ndeshja zgjati vetëm 57 minuta, me Anisimovën që nuk arriti asnjëherë të gjejë përgjigje për lojën e shkëlqyer të Swiatekut.
Anisimova, ndonëse luftuese, nuk mundi të përballojë ritmin dhe presionin e vazhdueshëm të Swiatekut, duke pësuar një humbje të rëndë në finalen e ëndrrave.
Në epokën Open, asnjë finaliste nuk ka humbur ndonjëherë 6-0, 6-0 në Wimbledon. Më afër këtij rezultati ishte Billie Jean King në vitin 1975, kur mposhti Evonne Goolagong me 6-0, 6-1.
Një fitore me këtë rezultat është parë për herë të fundit në Wimbledon në vitin 1911, kur Dorothea Lambert Chambers mundi Dora Boothby me të njëjtin rezultat: 6:0, 6:0.
Me këtë sukses historik, Iga Swiatek fiton titullin e saj të gjashtë Grand Slam. Ajo ka tashmë në koleksion katër tituj Roland Garros, një US Open dhe tani, për herë të parë, Wimbledon
Discussion about this post