Trajneri brazilian i kombëtares shqiptare, Sylvinho, shprehet se çelësi i suksesit të punës, është projekti serioz i mbështetur në infrastrukturën e duhur. Në një intervistë për median online “Cronache di Spogliatoio”, Sylvinho shprehet se FSHF i ka kushtet shumë të mira, që nga fushat, fizioterapia, palestra, ndërtesa e re ku punojmë, kemi analistë të ndeshjeve, përgatitës atletikë, bashkëpunëtorë…
“FSHF na ka ofruar kushte pune të jashtëzakonshme dhe futbolli zhvillohet shumë mirë. Punohet për futbollin, flitet për futbollin dhe që këtu nis gjithçka”, tha braziliani.
Teksa nuk mundet të bëjë një parashikim për finalet e Europianit, Sylvinho thotë se në Gjermani duhet të shkohet me seriozitet.
“Mendoj se ne duhet të shfrytëzojmë momentin me seriozitet dhe me punë siç arritëm kualifikimin. Një skuadër me zemër me djersë e organizuar dhe me vlera individuale. Ne duhet të nisim një proces të mësohemi të luajmë në finalet e një Europiani apo një Botërori.
Tani për tani presim shortin. Por duhet të bëjmë një plan të mirë për të shkuar më shpesh në një fazë finale. Flasim për një program disavjeçar”, shtoi ai.
I pyetur për vecoritë e Berat Gjimshitit, Sylvinho ka vetëm vlerësime.
“Ai është një zotëri. Ai është një person i qetë, një lojtar i mësuar të luajë kundër futbollistëve të fortë. Unë e di, ai ka një avantazh sepse luan dhe jeton në itali.
Ai është i qetë dhe për këtë është edhe kapiten sepse skuadra ka nëvojë për qetësi në fushë. Futbolli nuk të lejon më të humbën përqëndrimin. Ai është futbollist i madh dhe qetësinë e transmeton në fushë”, theksoi tekniku brazilian.
Trajneri i Kombëtares nuk e fsheh se të paktën edhe 2 lojtarë të tjerë të kuqezinjve janë të aftë të luajnë në klubet e Serie A.
Discussion about this post