Trajneri i Kombëtares, Sylvinho, në një konferencë për mediat para përballjes ndaj Moldavisë, që do të luhet pasditen e së premtes, tha se do të hyjmë në fushën e lojës për fitore. Ai tha se ekipi nuk bën asnjë llogari, por do të kërkojë 3-pikëshin e rradhës.
Braziliani që drejton kombëtaren kuqezi tha se pavarësisht se Moldavia ka një ekip të fortë në shtëpi, Shqipëria e sheh takimin si një finale, ku do të synohet fitorja.
Sylvinho, u pyet gjithashtu edhe për situatën e disa lojtarëve, duke dhënë kështu opinionin e tij.
“Luajmë ndaj tyre si ndaj një ekipi të fortë, nuk kanë pësuar asnjë humbje në shtëpi. Të dyja skuadrat futen në fushë për fitore.
Një barazim do jetë pasojë e kësaj ndeshje. Nuk mendoj për atë që do ndodhë në të ardhmen, mendoj vetëm për ndeshjen. Nuk mendoj se do ketë ndryshim strategjie, kundërshtari është i fortë fizikisht”, tha Sylvinho.
Discussion about this post