Federata Shqiptare e Futbollit do të prezantojë sot trajnerin e ri, brazilianin Sylvinho. Ai do të zëvendësojë italianin Edi Reja, ku ky i fundit ishte në krye të stolit kuqezi për tre vite e gjysmë. Tekniku i pankinës do të prezantohet në orën 10:30.
“Ditën e hënë, datë 9 janar 2023, ora 10:30, në ambientet e Shtëpisë së Futbollit (Salla e konferencës për shtyp) do të zhvillohet ceremonia e prezantimit të trajnerit të ri të Kombëtares, Sylvinho Mendes Campos Junior, dhe stafit të tij. Jeni të ftuar të merrni pjesë”, thuhet në njoftim.
Në konferencë për shtypin, organizuar nga FSHF për trajnerin e ri dhe stafin e tij, do të jetë i pranishëm edhe Reja, tashmë ish-trajner i kuqezinjve, kontrata e të cilit përfundoi në nëntor.FSHF ka menduar ta falënderojë 77-vjeçarin Edi Reja për gjithçka i ka dhënë Shqipërisë, për rreth tre vjet e gjysmë.
Discussion about this post