Sylvinho nga Brazili: Bëj duet me Dua Lipën po u kualifikuam

Në krye të pankinës së Shqipërisë, Sylvinho ka bërë mjaft mirë, teksa jemi në Play off të Kualifikueseve të Botërorit. Në një intervistë të dhënë në Brazil, trajneri i kombëtares tonë ka prekur tema të ndryshme.

“Të jesh trajner i një Kombëtareje është përgjegjësi e madhe. Përfshin të gjithë kombin dhe të gjithë vendin. Unë jam në Shqipëri tani, prej 3 vitesh kemi arritur rezultate shumë pozitive. Mora shumë mesazhe edhe nga brazilianët kur përfunduan eliminatoret, të cilët bëjnë tifo për Shqipërinë, në mënyrë që një trajner brazilian të shkojë në Botëror. Do të ishte diçka e jashtëzakonshme”.

Ai foli edhe për vendin tonë në përgjithësi.

“Shqipëria është një vend shumë i sigurt. Është duke u zhvilluar me një shpejtësi të madhe në të gjitha aspektet. Qytetet janë shumë të bukura, kulinaria gjithashtu është e shkëlqyer. Jam duke punuar dhe jetuar i qetë në Tiranë, me mbështetjen e federatës dhe presidentit, që është shumë i pasionuar. Sa i përket Kombëtares, kemi një miks lojtarësh. Shumica luajnë jashtë vendit, në kampionate të rëndësishme si Italia, Spanja apo Anglia. Jam i kënaqur nga të gjithë dhe kemi pasur rezultate shumë të mira”.

Gjatë bisedës nuk mungojnë edhe shaka-të.

“Nuk e di nëse do të jem më i famshmi, por ndoshta mund të bëjmë një duet me Dua Lipën po u kualifikuam”.

gijotina.com/

Etiketa: Trajneri Sylvinho