Klubi i Partizanit ka bërë një lëvizje të rëndësishme duke siguruar rinovimin me një nga elementët më të spikatur të të kuqve.
Andi Hadroj, mbrojtësi i cili është grumbulluar së fundmi rregullisht me kombëtaren dhe ka tërhequr vëmendjen edhe të klubeve të huaja, ka rinovuar me të kuqtë.
Ka qenë vetë klubi i cili ka bërë të ditur se 24-bvjeçari ka hedhur firmën në marrëveshjen e re që e lidh deri në vitin 2026 me të kuqtë.
“Partizani njofton zgjatjen e bashkëpunimit me Andi Hadroj. Mbrojtësi 24 vjeçar dhe klubi kanë nënshkruar sot kontratën e re të vlefshme deri në 2026.
Një hap që konkretizon pozitivisht të ardhmen e titullarit të kampionëve, njëkohësisht edhe kontingjent i ekipit tonë përfaqësues.”, shkruhej në postimin e të kuqve që zyrtarizonte firmën mes palëve./PanoramaSport
Discussion about this post