Kryebashkiaku i Tiranës Erion Veliaj ka reaguar për zjarrin që përfshiu mbrëmjen e kaluar monumentin e kulturës në qendër të kryeqytetit, e njohur si Sarajet.
Veliaj shkruan se zjarrvënia është e qëllimshme dhe se kanë qenë policët bashkiakë që kanë njoftuar sallën operative. Ai thotë se ka biseduar me kryeministrin Edi Rama, i cili ka autorizuar shpronësimin e përshpejtuar dhe se nga sot ka nisur regjimi 24 orë roje.
POSTIMI I VELIAJT
1. – Mbrëmë në orën 23h49 policia bashkiake pranë AMK – po, ata që sulmonte Presidenti – kane njoftuar sallën operative për zjarrvënie pranë Monumentit të Kulturës njohur gjerësisht si Sarajet.
Në pak minuta zjarrfikësit e Tiranës kanë shuar zjarrin e qëllimtë në 2 vatra.
Ne mesnate bisedova me kryeministrin Edi Rama i cili ka autorizuar shpronësimin e përshpejtuar për Sarajet si një nga aktet e para të qeverisë së re.
Ta harrojnë që aty do ketë ndërtim, e ta harrojnë që aty do ketë zjarr gjer sa të bëhet shpronësimi. Nga sot ka nisur regjimi 24h roje!
Ngjarjet do rrjedhin si me poshtë:
1. Shpronësim për 18 pronarët (jo të gjithë janë politikanë piromanë)
2. Shpallje Muze si ish-Legata e Parë amerikane në Tiranë dhe monument kulture
3. Rikonstruksion dhe hapje për publikun
Mirënjohje zjarrfikësve & policisë për mbrëmë!
