Kryebashkiaku Erion Veliaj bën propagandë me fëmijët, por edhe fiton lekë! Ndryshe nga “Akademia e Barinjve” të Krifcës që mbeti thjesht anektodë, Veliaj i realizon “ëndrrat”. 760 milionë lekë do të shpenzohen nga buxheti i bashkisë për të ndërtuar një “shkollë biçikletash” në Tiranë. “Shumë shpejt në vend do të hapet Akademia e Biçikletave. Së bashku me dhjetëra vogëlushe që po mësonin rregullat e qarkullimit në ditën e biçikletave”, deklaroi Erion Veliaj 3 vjet më parë.
Kur kjo çështje u harrua nga publiku, Veliaj nxjerr nga sirtari këtë projekt tani që po afrojnë zgjedhjet. Më datë 12 dhjetor 2022, kryebashkiaku ka firmosur dokumentet e tenderit “Shkolla e biçikletave, për grupmoshat 7-10 vjeç”. Rrjedhimisht, në këtë pikë lind pyetja; pse na u dashka një akademi për të mësuar biçikletën?! Nuk ka nevojë për kaq shpenzime që të mësohet biçikleta! Është një diçka që në pak ditë praktikë mësohet lehtë, sidomos nga fëmijët.
Në fakt, ky fishekzjarr fsheh mashtrimet e Lali Erit. Akademia është thjesht një truk për përvetësuar lekë. Kjo kontratë nuk u ka shpëtuar abuzimeve, të cilat Veliaj i lë si prova nëpër dokumente. Open Data Albania ka evidentuar se ky tender nuk është dhënë me konkurrencë. Gjatë këtij prokurimi janë paraqitur oferta 12 firma. 11 nga këto oferta janë skualifikuar menjëherë me argumentin se nuk kanë deklaruar numrin e plotë të punonjësve që do merren me këto ndërtime dhe kanë deklaruara më pak kamionçina nga se kërkon Veliaj!
Kështu, në tender mbeti e vetme firma “NG STRUCTURES” shpk, në pronësi të Hekuran Hoxhës. Ajo ka marrë trofeun pa u zhvilluar një garë e mirëfilltë, edhe pse disa nga kompanitë e tjera kanë paraqitur ofertë 10 mln lekë më lirë. Kontrata mban “Flamurin e Kuq”, por sërish planet e Veliajt vijojnë pa asnjë kontroll.
Përse do të harxhohen paratë?
Në dokumente thuhet se 73,762,870.85 lekë të reja do të shpenzohen për punime dhe montime. Ndërsa 2,982,700.87 lekë të reja do të shpenzohen për pajisje (në këtë rast biçikleta). Punimet janë të llojit si gërmime; betonizim, ndërtim i godinës dhe montim. Për këto Lali Eri do të shpenzojë 760 milionë lekë në fundvit.
Diçituara punimet
Më saktë, këto qindra milionë lekë shkojnë për të justifikuar skandalet dhe vjedhjet me korsitë e biçikletave, që Veliaj i ka prezantuar si kryevepër. Sipas të dhënave të dokumentit, Akademia e Bicikletave do të ndërtohet pranë zonës së stadiumit. “Zona, ku ndodhet objekti i planifikuar për ndërtim, është e pozicionuar mjaft afër në raport me Stadiumin “Air Albania, përcakton projekti. I vetmi shesh i gjelbër, dikur aneks i stadiumit, i mbetur në mes të pallateve të oligarkëve, tashmë do të betonizohet!
Nga fotot e mëposhtme duket qartë që Veliaj do të hedh beton në të vetmen pjesë që ka mbetur e paprekur. Madje para disa javësh aty përfundoi dhe një korsi për biçikleta.
Dicitura pamjet
Siç e thamë më sipër, kjo “shkollë” po shpiket, për të mbuluar abuzimet me fondet tona dhe për të vazhduar me to. Me siguri do të pyesnit, si ka mundësi që ngrihet një “akademi biçikletash”, kur nxënësit në shumë shkolla mësojnë me turne? Ja pra që korrupsioni i çon vendimet deri në absurditet!
Lexo edhe: Dhurata për Krishtlindje/ Veliaj u fal 330 mln lekë 3 biznesmenëve
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post