Deputetja e Partisë Demokratike, Jorida Tabaku, ka bërë një bilanc lidhur me taksat që duhet të paguajnë qytetarët në vitin 2023. Përmes një postimi në faqen e saj në Facebook, Tabaku është shprehur se janë rreth 130 milion euro taksa shtesë që do të duhet që qytetarët të paguajnë vitin e ardhshëm nga xhepat e tyre.
Ajo shton se në këtë vit të vështirë ekonomik, përpjekjet e qeverisë duhet të ishin drejtuar nga në uljen e pabarazive dhe zbutjen e efekteve të krizës.
“Sa taksa do paguani në 2023?
? Përtej zhurmës, baltës, rrëmujës e lajmeve të zakoshme politike, qytetarëve u intereson të kuptojnë sa taksa do të paguajnë vitin e ardhshëm.
Janë ?130 mln euro shtesë që do të taksohen dhe do të merren nga xhepat e çdo shqiptari, nga shporta e çdo familje shqiptare.
Në një vit të vështirë ekonomik, ku duhej që përpjekjet të drejtoheshin për të ulur pabarazitë dhe efektet e krizës të zbuteshin, Paketa Fiskale do të thellojë më shumë pabarazitë dhe do të ulë të ardhurat që do të kenë familjet në fund të muajit;
Në një vit ku këstet e kredisë për çdo shqiptar, që ka marrë një kredi për shtëpinë apo kredi të tjera, do të rriten;
Në një vit ku inflacioni dhe çmimet do të rriten me të përpjetë të madhe, qeveria do të vazhdojë të rrisë taksat për shqiptarët, sidomos shtresën e mesme;
– E nisën me rritjen 5-fish të çmimit të energjisë për mbi 100 mijë familje shqiptare, që do të ketë kosto ekstra prej 20 mln euro
– Peshqesh në paketën fiskale do të jenë edhe 17 mln euro taksa që qeveria ka vendosur t’ia marrë bizneseve të vogla dhe shtresës së mesme;
– 70 mln euro të tjera do të vijnë nga energjia, ndërkohë që tarifat e larta për bizneset, të vendosura abuzivisht, do të shërbejnë për të paguar këstet e Eurobondit që do të shtrenjtohen në vijim.
E të mendosh që 130 mln euro që do të marrë nga taksat e shtresës së mesme apo familjet shqiptare do të shkojnë 90% për të dyshuarit e përhershëm; Klubin e Oligarkëve”, u shpreh Tabaku.
Discussion about this post