Nënkryetarja e Partisë Demokratike, Jorida Tabaku ka kritikuar ashpër qeverinë Rama për diskriminim të biznesit të vogël.Tabaku deklaron se biznesi i vogël ka vuajtur shumë dhe se qeveria ka aplikuar masa fiskale të cilat kanë penguar dhe diskriminuar biznesin e vogël.
“Biznesi i vogël ka qenë i diskriminuar dhe janë favorizuar bizneset e mëdha duke ua marrë tregun e biznesit të vogël”- shkruan Tabaku.
Sipas deputetes demokrate, ka ende një plan të qeverisë për vendosjen e taksave tek SME-të ndërkohë që ky ligj hap një problem në lidhje me fondet dhe grantet e vendosura nga buxheti që nuk është i qartë se si do t’iu shpërndahet sipërmarrësve.
“Biznesi Vogël ka qenë I diskriminuar dhe janë favorizuar bizneset e mëdha duke ua marrë tregun e biznesit të vogël. Ka përgatitur qeveria një plan afatmesëm taksimi ku biznesit të vogël do ti vendosen taksa. Nuk mora asnjë përgjigje për këtë pikë përpos propagandës edhe pse te gjithsesi e kemi lexuar këtë strategji!”, shkruan Tabaku në Facebook.
Discussion about this post