Jorida Tabaku ka folur sot me tone të ashpra ndaj kryebashkiakut të Elbasanit në lidhje me inceneratorëtr. Ajo tha se Gledian Llataj vjen në mbledhje për të bërë ironi, ndërkohë kërkon të fsheh të vërtetën. Sipas Tabaku, të gjithë personat përgjegjës për 25 vite i kanë dhënë shitjen e energjisë një subjekti tjetër, duke bërë që barra të bjerë mbi qytetarët dhe inceneratori të mos kryej funksionin e tij. Llataj e kundërshtoi dhe mes ironie tha se nuk janë mbledhur aty për të bërë sondazhe por dëgjesë publike.
Nga ana tjetër, deputeti Boçi paraqiti disa pamjet të pjesës së landfillimit të inceneratorit të Elbasanit, ndërsa tha se nuk ka asnjë ndryshim, duke iu drejtuar kreut të bashkisë Gentian Llatja, se deklaratat e tij se ndryshimi sot është si nata me ditën, deputeti Boçi tha se nuk janë të vërteta.
Pjesë nga debatet:
Boçi: Në dijeninë time ka pasur edhe ankesa edhe protesta, sepse era e rëndë vjen tek qytetarët, vjen edhe të shtëpia ime. Kontraktuesi duhet të kishte ndërtuar të gjitha rrugët që e lidhin me objektin e tij, ju keni dhënë fond të veçantë si bashki për ndërtimin e rrugës Fushë Mbret, ndërkohë që është rruga që të çon në incenerator dhe duhet ta bënte kompania.
Tabaku: Buxheti i shteti do të paguajë një tarifë për transportin e mbetjeve, është një kosto shtesë . Këtë koncension po e mbajmë me para të buxhetit të shtetit, janë para publike.
Llatja: Menaxhimi i mbetjeve ka një kosto ndaj janë , tarifa dhe taksat… Mbetjet do të trajtohen në mënyrën më të mirë të mundshme.
Tabaku: Në 6 muajt e fundit fillon kryerja e dorëzimit të detyrimeve…Nuk e pranoj nga askush ironinë sado që të jetë me doza të larta propagandës, dhe më tregon edhe mua leximin e letrave.
Llatja: Faza e operimi te koncesionerit fillonte në datën 17. Nëse do të ndodhte ndonjë gjë në impiant në datën 16 nuk ishte përgjegjësi e imja.
Tabaku: Ju folët se do të merrnit në dorëzim impiantin, por a jeni në dijeni të vendimit ku për 25 vite i është dhënë shitja e energjisë një subjekti tjetër dhe jo shoqatës ku bashkia e Elbasanit është pjesë.
Llatja: Licencat që jepen , jepen me një afat të caktuar siç është edhe leja mjedisore. Është kuptuar gabim, një licencë jepet me një afat të caktuar dhe ka një vlerë kur jepet…Licenca është e lidhur me impiantit është e pandashme nga impianti..
Tabaku: E ke gabim i është dhënë për 25 vite një subjekti tjetër.
Llatja: E ke gabim
Tabaku: E ke ti gabim sepse nuk është një licence është një e drejtë koncesionare
Llatja: E keni gabim…
Tabaku: Ju kërkoj që ta trajtojmë me seriozitet këtë çështje
Discussion about this post