Kryetarja e Komisionit Hetimor për Inceneratorët, Jorida Tabaku ka folur pas takimit me kreun e SPAK Arben Kraja, ku tha se nuk ka mbivendosje të punës së Komisionit dhe se ky i fundit po mbështet SPAK.
“Ne do të bëjmë atë për të cilën parlamenti na ka mandatuar, për të sjellë këtu dokumentet zyrtare që janë pjesë e hetimit. Të tjera do duhet t’i luajë SPAK. Ju siguroj se deri më sot nuk ka asnjë mbivendosje të punës së komisionit hetimor, nuk ka asnjë cenim të punës sonë, përkundrazi po e mbështesim SPAK, duke bërë provat transparente. E sigurova SPAK se do të vendosim në dispozicion dokumentet. Takimi u kërkua nga unë”, tha Tabaku.
Komisioni Hetimor për Inceneratorët do të mblidhet sërish në orën 10:30 ku pritet që pas dëshmive të administratorëve, këtë javë të merren në pyetje funksionarët e lartë të shtetit, përfshirë edhe kryeministrin Edi Rama.
Discussion about this post