Jorida Tabaku ka marrë fjalën sot në Kuvend duke u ndalur tek dy tema, tek rritja e çmimeve dhe te pasuritë publike të cilat sipas saj po i jepen një grupi të privilegjuar njerëzish.
Përsa i përket rritjes së çmimeve, Tabaku deklaroi se qeveria nuk mori asnjë masë dhe çmimet vazhdojnë të rriten ndërsa shtohen strukturat. Raporti i Autoritetit të Konkurrencës nuk ka gjetur zgjidhje ku ajo pyet, a janë marrë masa për të ndryshuar situatën dhe a ka funksionuar ky autoritet?
Deputetja e PD nuk është kursyer ndaj qeverisë Rama, teksa theksoi se asnjë investim i huaj në Shqipëri nuk ka pasur transparencë, por janë kaluar si ndere, apo favore dhe se po jepet çdo pasuri publike për një grup biznesesh.
“A janë marrë masa për të ndryshuar situatën dhe a ka funksionuar ky autoritetet. A është analizuar Porti i Durrësit dhe ai i Vlorës”, tha Tabaku.
Discussion about this post