Është shoqëruar me debate të ashpra përplasja mes kryeministrit Edi Rama dhe deputetes demokrate, Jorida Tabaku. Deputetja demokrate i përmendi Ramës arrestimin e ish-kryebashkiakut të Vorës, Agim Kajmaku, dhe kjo gjë acaroi kryeministrin.
Ai mori menjëherë fjalën për procedurë, duke i thënë Tabakut se bëri një kapërcim shumë të madh, teksa kaloi nga domatet te dekriminalizimi.
Tabaku: Sot opozita nuk është e fortë dhe as ne nuk krenohemi që jemi në një situatë jo të mirë. Po të isha në vendin tënd, s’do e përdorja kurrë, por ndoshta në politikë mendojmë ndryshe, për ta përdorur dobësinë e tjetrit e për të bërë politikën e ditës. Politikën e ditës në fakt duhet ta bësh me ato që ke marrë mbi supe, me Kajmakët, me gjizën e gjalpin e radhës.
Rama: E kam për procedurë, sepse Tabaku kaloi nga domatet te dekriminalizimi dhe ishte një kapërcim nga tema. Kapërcim shumë i madh nga tema, megjithatë dy fjalë kisha për të. Tabaku fole për një linjë telefoni antikorrupsion, ajo ka qenë linja “alo Doktor”, nuk ka qenë linjë e qeverisë sonë. ishte një linjë “Alo Doktor”. Dhe nga ana tjetër e telefonit presupozohej që dilte Doktori dhe i thyente brinjët korrupsionit. S’ka problem, përkundrazi mua më vjen shumë mirë që ju i përmendni ato që në fakt janë provat e një ndryshimi rrënjësor, që po e sjellim ne.
Discussion about this post