Deputetja e Partisë Demokratike, Jorida Tabaku ka reaguar sërish lidhur me çështjen e inceneratorëve, duke u shprehur se nuk opozita nuk do të heshtë. Ajo shkruan se inceneratori i Elbasanit nisi nga një kafe e kryebashkiakut të asaj kohe Sejdini me Klodian Zot,ku pas kësaj kafeje u shpall gjendja e jashtëzakonshme e mbetjeve dhe u hap procedura e dhënies me koncesion të incenerimit të tyre. Po në të njëjtën ditë sipas Tabakut, zotëruesi i kompanisë fituese Klodian Zota ka paraqitur shkresën. Lidhur me këto detaje Tabaku pyet se përse kryebashkiaku i asaj kohe Qazim Sejdiu nuk është arrestuar ende.
“Si ndodhi? Inceneratori i Elbasanit nisi nga një kafe e kryebashkiakut të asaj kohe Sejdini me Klodian Zoto. Pas kafesë Elbasani shpallet në një “një situatë të jashtëzakonshme të mbetjeve, duhet të hapim një procedurë konceisoni për incenerimin”.
Po brenda ditës arrin shkresa. Lefter Koka e pret brenda ditës Klodian Zoton dhe po brenda ditës hap procedurën e koncesionit dhe brenda ditës merr ofertën e pa kërkuar nga Klodian Zoton.Pse Qazim Sejdini nuk është arrestuar? Ai e ka iniciuar këtë procedurë që u konkludua me 17 procedura brenda datës 16 dhjetor 2014.”
Tabaku thekson se në këto procedura të ndodhura vetëm në një ditë kanë qenë të përfshirë dhe Ministria e Ekonomisë, Ministria e Financave, Ministria e Infrsatrukturës, Ministria e Drejtësisë dhe shefi i APP, përpos tanimë të arrestuarit ish-ministrit të Mjedisit Lefter Koka.
“Në këto 17 procedura brenda ditës kanë qenë të përfshirë përpos ministrit Koka edhe Ministria e Ekonomisë, Ministria e Financave, Ministria e Infrsatrukturës, Ministria e Drejtësisë dhe shefi i APP. Përse nuk janë arrestuar?
Përse nuk arrestohet Arben Ahmetaj ministri që ka dhënë dakordësinë si ministër i Ekonomisë? Përse nuk arrestohet Damian Gjiknuri që ka dhënë ok si ministër i Infrastrukturës? Pse nuk janë përpara drejtësisë?”, shkruan Tabaku teksa kërkon arrestimin e zyrtarëve të tjerë të shtetit që sipas opozitës janë përfshirë në këtë skandal.
Deputetja e PD-së nënvizon se krimi më i madh me inceneratorët ka ndodhur në atë të Tiranës, i cili ka marrë dhe jetën e një të riu, duke bërë që 430 mln eurot e kësaj afere të shkelin mbi jetën e një njeriu. Në të njëjtën kohë Tabaku shkruan se riskun e këtyre kontratave dhe këtyre shifrave e mban buxheti i shtetit dhe jo nënshkruesit e kontratave.
“Por krimi më i madh në fakt është për inceneratorin e Tiranës. Një jetë, një i ri sot nuk jeton më për inceneratorin e Tiranës.
Nuk e kam bërë kurrë, nuk e kam përmendur kurrë vdekjen për politikë. Por sot ne mund të flasim se ato miliona euro, 430 mln euro kanë shkelur edhe mbi jetën e një njeriu.
Inceneratori i Tiranës që nisi me një kontratë prej 129 mln euro, me TVSH dhe me gjithë të gjitha kostot e tjera shtesë e çuan 179 mln euro.
KLSH thotë se është një kontratë që shkon deri në 400 mln euro. Sepse a e dini që për këtë kontratë rriskun nuk e mban koncensionari por e mban buxheti i shtetit?! Që pagesa rritet çdo dite edhe për inceneratorin e Tiranës.
Dhe të treja bashkë, në shembullin e tyre unik, janë kontrata me çelësa në dorë.
Që do të thotë se ne momentin që parë që janë firmosur, kontrata ka filluar pagesa.
Inceneraotri i Elbasanit ka filluar pagesa 22 mln. 26 mln kanë shkuar për inceneratorin e Fierit.
PD-në nuk ka kush ta trembë për një aferë që e ka ndjekur vetë nga dita e parë dhe e ka denoncuar pa droje“, shkruan Tabaku.
Discussion about this post