Në një konferencë për mediet, deputetja e PD Jorida Tabaku ka reaguar në lidhje me arrestimin e Flamur Kokës. Sipas saj, ish-ministri është vetëm një nga të korruptuarit që janë përfshire në aferat për inceneratorët. Tabaku deklaroi se, ashtu si në inceneratorin e Elbasanit edhe në Fier e në Tiranë ka kompani fiktive të krijuara për të përfituar para nga inceneratorët. Përveç Kokës, ajo përmendi edhe deputetin tjetër të PS, Alqi Bllakon, për të ciki kërkoi hetim të menjëhershme.
“Departamenti anti-korrupsion në PD në 2015 tha s epo ngrihet një procedurë koncesioni nga asgjëja. Pse nuk janë para drejtësisë, ministrat, zyrtarë të lartë të PS-së dhe persona të përfshirë në këtë proces. Krimi më i madh është për inceneratorin e Tiranës. Përfaqësues të PD-së kanë shkuar atje dhe kanë treguar se çfarë po ndodh, jemi sulmuar në mënyrë mafioze dhe kriminale. Kontrata e inceneraorit të Tiranës sipas KLSH shkon nga 79 mln euro në 400 mln euro. Është kontrata më abuzive. Ashtu siç janë hapur kopani fiktive për inceneratorin e Elbasanit, ku përfitues ishte Lefter Koka, ashtu është hapur edhe për Fierin dhe për Tiranën. Alqi Bllako deputet i PS-së, familja e tij ka marrë para si nënkontraktor”, tha ajo.
Sipas Tabakut, hetimet e SPAK duhet të thellohen në çdo fushë, sepse ajo çka po zbulohet nga inceneratorët është vetëm 10%-shi i kontratave abuzive në vendin tonë. “Megjithëse emra të ndryshëm i bashkon një zyrë, një zyrë që sot i janë vënë çelësat. Afera e inceneratorëve është zbuluar vetëm 1/10 e saj. Kemi informacione pafund, që do t’ia vendosim në dispozicion edhe SPAK. S’ka ambicie kush e heton, por të çohen para drejtësisë ato që kanë përfituar nga kjo aferë. Nuk jemi të kënaqur me Lefter Kokën, nuk duhet të mbyllet me Lefter Kokën por të vazhdojë edhe më tej”, tha Tabaku, duke theksuar se edhe PD do vazhdojë përpjekjet e saj për të zbardhur këto afera korruptive të qeverisë.
Discussion about this post