Gjatë mbledhjes së Komisionit të Integrimit, kryetarja e komisionit, Jorida Tabaku u shpreh se ndryshimet në ligjin për pastrimin e parave nuk prekin thelbin e problemit.
“Lufta kundër Pastrimit të Parave është një nga pikat që Shqipëria duhet të përmbushë për konferencën e parë ndërqeveritare. Mirëpo unë kam parë me kohë që një luftë e tillë është fiktive“, shprehet Tabaku.
Sipas Tabakut, në kohën kur ishte nënkryetare e komisionit të ekonomisë dhe financave, ka kërkuar informacion për pastrimin e parave. Deputetja e PD u shpreh se qeveria nuk ka pasur si qëllim luftën reale dhe se fakteqësisht disa nga pikat e këtij ligji nuk janë konform dhe standart Acquis.
Ndër të tjera, deputetja e PD u shpreh se si opozitë, ata vetëm mund t’ia kalojnë vullnetin e tyre qeverisë, dhe se i takon mazhorancës për të luftuar pastrimin e parave.
Discussion about this post